Йошкар-Олаште эше ик кумдыкым ешарен тӱзландарат

             Йошкар-Олаште эше ик кумдыкым ешарен тӱзландарат. Шушаш ийын олмыктышаш кумдык- влакын спискышкышт эше иктым ешарыме. Вашталтыш Первомай уремын Кремль урем деч Йошкар Армий урем марте ужашыжын нечётный могыржым вуча. Тыгай йӧн оксам аныклен кодымылан кӧра лектын. Рейтинг почеш тиде кумдык черет почеш кандашымшылан шотлалтын, сандене Общественный комиссийын заседанийыштыже тудым ойырен налме. Ушештарена: ончыч «Оласе йӧнан кумдыкым ыштымаш» федерал программе почеш йӱклымаште ончылно шым кундем ыле. Тиде- Семёновкысо Молодёжный уремын йолгорно ужашыже, Россий Армийын тӱвыра полатше шеҥгелне спорт площадке, эҥер серыште каныме вер, Павленко, Прохоров, Ян Крастынь, Куйбышев уремлан тротуарышт, Воин-Интернационалист- влак лӱмеш сквер да Сомбатхейыште пийым луктын коштыктымо вер.
             Йошкар-Ола администрацийын фотожо.