Марий Эл гыч спортсмен- Европо Чемпионатын ший призёржо
Йолын коштмо спорт туризм дене Европын чемпионатше. Кодшо кечылаште Белоруссийысе Бобруйск олаште тиде таҥасымаш эртен. Тушко Белоруссий, Молдавий да Россий гыч 30 утла спортсмен миен. Российын сборный командыже радамыште Марий Элысе «Виктория» олимпий резерв спорт школ гыч Георгий Дмитриев таҥасен. Кужу дистанцийыште тудо кокымшо, кӱчык дистанцийыште кумшо верым сеҥен налын. Иктешлыше зачётышто Георгий Европын Чемпионатшын ший призёржо лийын.
