Марий Элым вуйлатыше республикысе калыкым коронавирус деч прививкым ышташ ӱжын

             Марий Элым вуйлатыше республикысе калыкым коронавирус деч прививкым ышташ ӱжын. Оперативный штабын заседанийжым эртарышыла еҥ- влаклан вакцинироватлалташ пеҥгыдын темлен да план почеш эмлымашым чарыме, а чыла койкым ковид дене черле- влаклан пуымо манын. Умбакыже ешараш нигушко. Тиде осалым огына чаре гын, черле- влакым коридорыш пышташ тӱҥалына. Сандене чылам аралалташ ӱжам манын калалсен. Утларак ямде улмо режимым 1-ше декабрь марте шуена. Ситуаций саемеш гын, тудым вашталтен кертына. У вашталтыш- влак прививкым ышташ тореш улшо- влакын эрыкыштым ятырлан иземдат. Умылтарымаш да ӱшандарымаш ок полшо гын, улшо полномочийым кучылташ верештеш. Вакцине ситышын уло. Ик суткаште гына эмлыме верыш 192 еҥым пыштыме. Тымарте 192 тӱжем еҥ вакцинацийым эртен. Тушечын 183 тӱжемже тичмаш курсым эртен. Ик арняште гына 49 еҥ ӱмыр лугыч лийын. Кызыт чер самырык- влакымат ӧрдыжеш ок кодо, -умылтарен республикым вуйлатыше.

Прошлые выпуски