20 рвезе салтак радамыш шогалын
Йошкар-Ола гыч 20 призывник Вооруженный вийыш службым эртыме верыш каеныт. Шыже призыв тӱҥалме деч кок арня эртымеке икымше тӱшка рвезе армийыш каен. Нуным торжественно ужатыме. Сугынь мутым ойлаш ола администрацийын тӱвыра виктемжым вуйлатыше Надежда Логинова, олан сарзе комиссарже Игорь Артизанов, черке пашаеҥ Дмитрий Ача миеныт. Кайыме деч ончыч рвезе- влак чыланат коронавирус инфекций шотышто тестым эртеныт. Нунылан маскым, бахилым, антибактерицидный средствым, вургем ден кочкышым пуэныт. Пандемий жапыште ужатымаш лишыл еҥ- влак деч посна эрта. Тений чылаже Вооружённый вийыш 700 рвезе кайышаш.