Начар ужшо- влак дзюдо кучедалмаш дене таҥасеныт
Эртыше шуматкечын Раменское олаште «Борисоглебский» спорткомплексын кугу залыштыже начар ужшо- влакын спортышт- дзюдо кучедалмаш дене Российын кубокшо эртен. Республике гыч «Паралимпий резерв спорт школын» спортсменкыже- влак миеныт. Кок ӱдыржат шке нелыт категорийыштышт той призёр лийыныт. Дарья Воробьёва 48 килограмм марте нелытан- влак коклаште кучедалын, а Алёна Серебрякова (Романова)- 52 килограмм марте нелытан- влак коклаште.
