Йошкар-Ола гыч педагог- влак класслам вуйлатыше- влакын Россий кӱкшытан форумыштышт участвоватлат

           Йошкар-Ола гыч педагог- влак класслам вуйлатыше- влакын Россий кӱкшытан форумыштышт участвоватлат. Тудо шке пашажым Москошто 9-ше октябрьын тӱҥалын. Уло эл гыч тӱжем педагог йочам воспитатлыме, профессионал шинчымашым пуымо, кызытсе туныктышын образше де этикыж дене кылдалтше пӱсын шогышо йодыш- влакым каҥашаш погынен. Мероприятийын лектышыже почеш Меморандумым пеҥгыдемдат. Тудыжо Просвещений министерствын пашаже да политикыжым шындараш  негыз лиеш. Марий Эл гыч форумышто 16-шо школын тӱҥалтыш классажым туныктышо Софья Вершинина, 17-ше школ гыч англичан йылмым туныктышо Ольга Пидыбаева, 31-ше школ гыч тӱҥалтыш класслам туныктышо Марина Софронова участвоватлат.
           Йошкар-Ола администрацийын фотожо.