Марий Эл гыч каменщик «Навыки мудрых» нылымше калыкле чемпионатын финалыштыже эн уста лийын

                Марий Эл гыч каменщик «Навыки мудрых» нылымше калыкле чемпионатын финалыштыже эн уста лийын. Профессионал мастарлыкым тергыме таҥасымаш  кодшо кугарнян мучашлалтын. Чемпионатыште 63 регион гыч 300 конкурсант таҥасен. Нуно 50 деч кугурак ийготан лийшаш улыт ыле. Участник- влак шке регионыштышт лӱмын ямдылыме площадкыште мастарлыкым ончыктеныт. Нуным эксперт- влак Новосибирскыште таҥасымашым виктарыме рӱдерыште видеокыл гоч эскереныт. «Навыки мудрых» чемпионатыште Марий Эл гыч кок компетенцийыште таҥасыме: кремычым оптымаш ден «Школ деч ончычсо шуарымаште». Кокымшыштыжо Йошкар-Оласе «Теремок» йоча садын воспитательже Татьяна Кутюкова таҥасен. А каменщик мастарлыкым «Казанский посад» ушем гыч Юрий Иванов ончыктен да шке компетенцийыштыже эн ончыко лектын, Марий Эллан шӧртньӧ медальым конден.