Советский посёлкыш ныл миллион теҥгеаш у автоклубым кондымо
Советский посёлкыш ныл миллион теҥгеаш у автоклубым кондымо. Тыге районысо тӱвыра пӧлкан шуко функциян тӱвыра рӱдерже лийын. Тудым «Тӱвыра» калыкле проект кышкарыште налме. Комплектацийыш тӱжваке лукмо сцена, электроэнергийым шке пуышо оборудований, кином ончыктымо аппаратура, йӱк да волгалтарыме оборудований пурат. Ораван клубышто мероприятийым эртараш мо кӱлешыже чыла уло, эсогыл концертым пасу покшелнат ончыкташ лиеш. Автоклуб тӱвыра тӧнеж укеан тора яллаште пашам ышташ тӱҥалеш. Советский посёлкын рӱдӧ площадьыштыже кастене клубым тергаш манын, концерт ден кинофильмым ончыктымо.