Марий университетын студентше- влак ечероллер дене таҥасымашыште сеҥыше лийыныт

                  Марий университетын студентше- влак ечероллер дене регион- влак кокласе таҥасымашыште сеҥыше лийыныт. Ӱчашымаш 2-шо -3-шо октябрьыште эртен. Тушто Киров да Ульяновск областьлан, Татарстан, Мордовий. Чуваший, Марий Элын спортсменышт таҥасеныт. Марий университетын студентше- влак призан вер- влакым налын кертыныт. Мероприятий кок йыжын дене эртен. Икымше кечын 15 меҥгыш, кокымшын 10 меҥгыш куржыныт. Юниор ӱдыр- влак коклаште Юлия Падыганова чемпион лӱмым сеҥен налын. Рвезе- влак коклаште Родион Арбузов кок кече таҥасымашын лектышыже почеш абсолютный чемпион лийын. Тигран Арутюнян кумшо верым, Александр Шабалин нылымшым, Александр Подыганов 10-шо верым налыныт.
                    МарГУ-н фотожо.