Йошкар-Олан тистыже Африкыште лойгалтеш

              Йошкар-Олан тистыжым Сахара пустыньыш намиен шуктымо. Тудым квадроциклист- влакын «Чыр Мари» командыже намиен. Тушто Африкысе Загора ола деч шым меҥге тораште кросс-кантри-ралли дене Тӱнян чемпионатше эрта. Таче мемнан спортсмен- влак «Ралли дю Марок» Тӱнямбал ралли-рейдыш ушненыт. Таҥасымаш 1982-шо ийгодсек эртаралтеш да Мароккысо тӱн событийлан шотлалтеш. Чыр Мари африке элысе кок тӱжем меҥгым лап, ошман да курыкан верла гоч  эртышаш. Йошкар-Олан командыже шке классыштыже Россий гыч шкет гына улеш, но виян- влак дене кучедалашыже логалеш.
               Йошкар-Ола администрацийын фотожо.