Ковид нерген журналист- влаклан брифинг эртен
Ковид дене ситуаций нерген журналист- влаклан брифинг эртен. Правительстве пӧртыштӧ журналист- влак дене Роспотребнадзор виктемым вуйлатыше Светлана Булатова ден тазалыкаралтыш министр Марина Панькова вашлийыныт. Нуно коронавирус инфекций дене ситуаций неле манын палемденыт, чер шагалеммаш эше ок кой. Черланыше- влак кокла гыч 41 процентше 65 ияш да кугурак- влак улыт, 50-64 ияш марте черланыше 32 процент, йоча- влак коклаштат чер шарлымаш палдырна. Калык санитар-эпидемиологий правилым шуктымым чарнен манаш лиеш. Пандемийын нылымше толкынжым увертарыме. Республикыште черле- влаклан тӱжемат 565 койкым шындыме. Кызыт тӱжемат 363 еҥ эмлалтеш. Суткаште кокла шот дене 127 еҥым эмлаш кондат. Кислород полышым вучышо- влак иктат пеле гана ешаралтыныт, ИВЛ дене 56 еҥ пайдалана. Эмлалташ пыштыме еҥ кокла гыч 90 процентше вакцинацийым эртен огыл. А прививкым ыштыктыше-влак нелын черланыше радамыш да реанимацийыш иктат логалын огыл. Ӱмыр лугыч лийше- влакат чыланат прививкым ыштыктыдыме лийыныт. Тидыже вакцинацийым эрташ кӱлмӧ нерген ойла.
