ЮИД команде Краснодарыш каен
Марий Эл гыч ЮИД команде Краснодарыш каен. Движенийын самырык инспекторжо- влак 16-шо Кугыжаныш- влак кокласе слётышто моштымашыштым ончыктат. Курык марий районысо Виловат школын ЮИД командыже мемнан республикын чапшым арала. Кодшо ийын тудо «Лӱдыкшыдымӧ орава» республикысе конкурсышто икымше верым налын ыле. Тений нунылан лишыл йот элласе да элысе моло кундемын иктаҥашышт дене вашлияш йон лектын. Слёт ынде икмыняр ий почела Россий кӱкшытан «Смена» йоча рӱдерыште эрта.
