Марий Элыште паша лектыш кушмаш палдырна
Марий Элыште тений январь- августышто кодшо ийысе тыгаяк жап дене таҥастарымаште промышленный да ял озанлык производство кушмаш палдырна. Тыгак автомобиль транспорт дене грузым, автобус дене пассажирым утларак шупшыктымо, ужалкалыме паша ушнен толеш, общественный питаний, тӱлыман полыш, чоҥымо паша, пӧртым ыштен шуктымаш шукырак лийын. Мутлан, промышленный призводствын индексше 103 утла процент лийын, Ял озанлык продукцийым 32 миллиард теҥгелан лукмо, сурт кайык ден вольыкым иктат 8 луаш процентлан, шӧрым кумыт, муным 13 процентлан шукырак налме. Тӱкан шолдыра вольык ныл наре процентлан, сӧсна кум процентат пелылан ешаралтын, шорык ден каза кок утла процентлан шагалемын. Кокла пашадар икымше пелийыште 33 тӱжем утла теҥге лийын да 7 утла процентлан кушкын. Август мучашлан пашавер рӱдерлаште учётышто ныл тӱжемат 431 еҥ шоген. Аза шочмаш кум процентлан шагалемын, колышо- влакын чотышт 20 процентлан ешаралтын.
