Хоккей дене ПФО Федерацийын кубкыштыжо «Спартак» кумшо верым налын
Латик ияш марте рвезе- влак коклаште хоккей дене Юл кундем округын Федерацийжын кубокшын икымше туржо Йошкар-Оласе «Марий Эл» Ий полатыште 30-шо сентябрь гыч 4-ше ноябрь марте эртен. Таҥасымашке вич команде ушнен. Сеҥыше- влак тыге радамлалтыныт: икымше верыште Бор олан «Маска» командыже, кокымшышто- Алабога гыч «Ший пире- влак», кумшо вер Йошкар-Ола гыч «Спартаклан» логалын, Киров «Вятка» дене Володарск «Триумф» нылымше да визымше лийыныт. Кубкын кокымшо туржо «Дружба» стадионын ий полатыштыже 4-ше гыч 6-шо ноябрь марте лиеш.
