Пудий чыла районыштат озаланен
Тенийсе пудий тургымым иктешлаш тӱҥалме. Тугым 8-ше апрельыште тарванен. Тудо жап гыч икымше октябрь марте пудий пижмылан медицина полышым йодын тӱжемат 593 еҥ миен. Тидыже моло ийласе деч шукырак. Мутлан, кодшо ийын тӱжемат 106 случай лийын, 2019-ше ийыште тӱжемат 493 еҥлан пижын. Пудий пижме еҥ кокла гыч 383-ытшо - 14 ияш марте йоча- влак. Пудий чыла районыштат осалланен. Тений 9 еҥлан боррелиоз диагнозым шындыме. Энцефалитым палемдыме огыл.
