«Шӧртньӧ шыже- 2021» калыкле гастрономий фестиваль почылтын, а тамлен ончымо конкурсым иктешлыме

              Моско ола воктене гастрономий фестивальыште Марий Эл гыч ойыртемалтше кочкыш сатум ончыктымо. Тушто «Шӧртньӧ шыже- 2021» калыкле гастрономий фестиваль почылтын. Россий Вооруженный вийын Тӱҥ храмжын Соборный площадьыштыже ярминга эрта. Тушто Марий Эл гычат фермер сатум, тӱрлӧ кундемла гыч кочкышым налаш, концертым ончаш лиеш. Пайрем 7-ше гыч 10-шо октябрь марте шуйна. Фестивальыште ончыктымо регионласе бренд гыч 48-ыже «Российын тамже» калыкле конкурсышто участвоватла. Тушечын 8-ыже Марий Эл гыч улеш. Йошкар-Ола администрацийын увертарымыж почеш, 20-шо октябрь гыч калык йӱклымаш тӱҥалеш. Кумылан- влак Марий Эл гыч эн сай фермер продукцийлан йӱкыштым пуэн кертыт.
               «Шӧртньӧ шыже» Российысе агропромышленный выставке кышкарыште «Патриот» конгресс да выставке рӱдерыште «Кӱкшӧ качестван кочкыш сатум лукшаш верч» тамлен ончымо конкурсым иктешлыме. Тений Марий Элысе агропромышленный комплексын предприятийже- влак 36 медальым сеҥен налыныт. Тушечын 28-ыже шӧртньӧ, шымытше- ший да ик той медаль. Сеҥыше- влак коклаште «Шернур сырзавод» ден «Лукоз», «Звенигово» шылкомбинат, «Галактика», «Икымше номеран кинде завод», «СоЛЮД», «Русь Бейкери» ушем- влак улыт. Нуно сай качестван, экологически ару шыл да шӧр продукцийым, кондитер да кинде сатум намиеныт.