Шӱк-куштырам погымо контейнер- влак кок пачаш ешаралтыт
Республикыштына шӱк-куштырам погымо контейнер- влак кок пачаш ешаралтыт. Марий Эл куштырам ойыркален погаш у контейнерым налаш оксам пуымо 46 регион радамыш пурен. Тиде пашалан Российын правительствыже ик миллиард теҥгем ойырен. Тидын шотышто Российын премьер- министрже Михаил Мишустин пунчалым пеҥгыдемден. Мемнан республике ныл миллионат 600 тӱжем теҥгем налеш. Пӱртӱс поянлык министерствын умылтарымыж почеш, тиде шийвундо дене пластикым погаш посна маркировкан 300 утла евроконтейнерым налаш палемдыме. Ойыркален погымо сомыл Марий Элыште икымше ий гына огыл шындаралтеш. Тымарте Йошкар-Олаште, Волжскышто, Медведево ден Советскийыште 330 контейнерым шындыме ыле. Куштырам ойыркален погымо системым шыҥдарымаш кажне еҥын умылен, шонкален да тиде пашам чын шуктымыж деч шога.