Ял озанлык пашаеҥ- влакын пайремышт
Шушаш рушарнян ял озанлыкыште да перерабатыватлыше промышленностьышто тыршыше пашаеҥ- влак шке профессионал пайремыштым палемдат. Нуным пайремышт дене Республикым вуйлатыше Александр Евстифеев саламла. Тиде пайрем шочмо мландыште уло кумылын тыршыше, калыклан чапле кочкыш сатум ситарыше, элнан продовольствий лӱдыкшыдымылыкшым ыштыше- влакым ушен шога. Марий Эл чынжымак ял озанлык кундемлан шотлалтеш да Элысе рынкыште ончыл верым айла. Республикын правительствыже ял кундемлам вияҥдаш тырша. Ял озанлыкын сеҥымашыже яллам вияҥдаш, корным чоҥаш шӱкалтышым ышта. Кугу полышым калыкле проект- влак, индивидуал программе, инвестиций проект- шамыч ыштат. Чылалан тыршен пашам ыштымыланда, ойырен налме сомыллан ӱшанле улмыланда тауштем. Поснак кугу тау ветеран- влалкан. Пеҥгыде тазалыкан, пиалан лийза, илышда улан, чыла пашаште сеҥымаш лийже. – ойлалтеш республикым вуйлатышын саламлымашыштыже.