Республикысе кучем у чарымаш- влакым пурташ ямдылалтеш

               Республикысе кучем у чарымаш- влакым пурташ ямдылалтеш. Кок арня жапыште ковид койко- влакым иктат пеле гана шукемдыме. Калыкым эмлаш пыштымаш ешаралтме дене нелын черланышыжат шукемеш. Тидын нерген таче совещанийыште Марий Элым вуйлатыше Александр Евстифеевлан тазалыкаралтыш министр Марина Панькова увертарен. Элна мучко ковид ден черланымаш шукемын, мемнан денат тыгак. Сандене эрла республикын штабшын заседанийжым ямдылена. Пытартыш кум кечыште 170 койкым ешарыме. Кече еда кокла шот дене 141 еҥым эмлыме верыш кондат. Тиде вирус ОРЗ-н клиникыж дене келшен толеш. Сандене черланыше- влак вараш кодын полышым йодыт. Тыге нелын черланымаш ешаралтеш. Кызыт эпидемиолог- влак тӱжемат 584 черланыше ешым мӧҥгыштышт эскерат, 120 предприятий, тӧнеж, организацийыш инфекцийым пуртымо, кок тӱжемат 637 черле дене кылым кучышо еҥ медицина эскерымаште улеш. Совещанийым мучашлыме годым Александр Евстифеев палемден: эрла Оперативный штабын заседанийыштыже у ешартыш чарымаш- влакым увертарыме лиеш.