Марий Элыште «Ару вӱд» федерал проект шыҥдаралтеш

                  Марий Элыште «Ару вӱд» федерал проект шыҥдаралтеш. Кеч- могай пӱртӱс поянлыкымат переген кучылтман. Вӱдым пайдалын кучылтмаш, очистной станций- влакым уэмдымаш, эҥер, ер, вӱд погынымо моло верым эрыктен, у илышым пуымаш, вӱдыштӧ илыше- влакым арален кодымаш- тиде чылажат «Илыме вер да оласе кумдык», «Экологий» калыкле проект кышкарыште «Вӱд» направлений ден шуктышаш паша- влак. «Ару вӱд» проект калыклан сай качестван вӱдым ситарымашке виктаралтын. Роспотребнадзор виктем «2024-ше ий марте республикыште вӱдым ситарымашым саемдымаш» программым шыҥдарымаште участвоватла. Тиде программын перечньышкыже Роспотребнадзор виктемын материалже почеш начар вӱдан ял- влакым пуртымо. 2024-ше ий марте Волжский, Звенигово Килемар, Медведево, Морко, У Торъял, Юрино районласе икмыняр ялыште тидын шотышто пашам шуктыман.