Марий балетын солистше- влак «Тӱнян самырык балетше» конкурсын наградыже верч кучедалыт

              Марий балетын солистше- влак «Тӱнян самырык балетше» конкурсын наградыже верч кучедалыт. Эрик Сапаев лӱмеш опера да балет Марий театрын вӱдышӧ солистше- влак Елена Раськина ден Итару Нада шке мастарлыкыштым тиде кечылаште Сочи олаште ончыктат. Тушто 11-ше гыч 18-ше октябрь марте Юрий Григоровичын «Тӱнян самырык балетше» Тӱнямбал конкурсшо эрта. Шукерте огыл тиде конкурсын наградыжым пеш ӱшанлын театрын прима-балериныже Екатерина Байбаева сеҥен налын ыле. Конкурс 2006-шо ий годсек эртаралтеш. Тудын жюрижым конкурслан тӱҥалтышым ыштыше Юрий Григорович вуйлата.