Финн-угор тӱнян 2023-шо ийысе тӱвыра рӱдывержылан конкурсым увертарыме

            Финн-угор тӱнян 2023-шо ийысе тӱвыра рӱдывержылан конкурсым увертарыме. Финн-угор калык- влакын самырык тукым ассоциацийышт (МАФУН) ден УРАЛИК рӱдер теҥгече тиде конкурсым почыныт. Таҥасымашын темыже 2022-шо гыч 2032-шо ий марте тӱп калык- влакын йылмыштын тӱнямбал луияшыжым почмо дене кылдалтеш. Сеҥышым шушаш ийын 14-ше январьыште увертарат. Тӱвыра рӱдыверым палемдыме программе 2013-шо ийыште тӱҥалын. Тымарте тиде титулым индеш илемлан пуымо. Тушечын кокытшо марий ял ден села- Унчо ден Мишкан улыт. Тений тиде лӱмым Эстонийысе Абья-Палуоя ола нумалеш, вес ийын Одо кундемысе Байтеряк ял рӱдывер лиеш. Йодмашым 13-шо декабрь марте колтен шуктыман.