Добровольчествын ресурс рӱдержым почмо

                 Звениговышто таче добровольчествын ресурс рӱдержым торжественно почмо. Тений чылаже республикыштына куд тыгай рӱдерым почмо лиеш. Нуно Волжск ден Козьмодемьянскыште, Медведево ден Морко, Советский районлаште омсаштым почыт. Тиде пашалан оксам- кум миллион наре теҥгем- федерал казна гыч ойырымо. Вер- влакым таклан огыл ойырен налме. Тушто экологий, начар тазалыкан йоча- влак дене, илалше да начар илыш йыжыҥыш логалше йоча- влак дене пашам ыштыме ойыртемалтше добровольчестве опытым шотыш налме.  Рӱдерын пӧлемлажым ачалыме, компьютерым, шуко функциян устройствым, кӱлеш мебельым налме. Кажне рӱдерыште вуйлатышым палемдыме, нуно тунеммашым эртеныт. Рӱдерлаште доброволец- влаклан регионысо да федерал эксперт- влак дене тунемме прогамме- влак эртаралтыт, волонтёр-шамыч дене пашам ыштыме ончыл практике- влак шыҥдаралтыт. Октябрьыште кажне районышто добровольческий форум- влак эртат. Идалык мучаш марте рӱдер- шамыч добровольчестве пашаш вич тӱжем утла волонтёрым ушаш палемденыт.