Африкыштат сеҥымашыш шуын

               Марий квадроциклист- влак Мароккышто тӱнян чемпионатыштыже ший медальым сеҥен налыныт. «Чыр марий» команде кросс-кантр ралли дене таҥасымаште лийын. Африкысе кудалыштмаш 1982-шо ий годсек эртаралтеш да тӱнясе ралли-рейд элите коклаште Мароккысо тӱҥ событийлан шотлалтеш. Александр Максимов квадроцикл дене кок тӱжемат 500 утла меҥгым Сахара пустыньысе лап, кӱан, ошман, курыкан корныла дене эртен. Мемнан олан командыже шке классыштыже Россий гыч шкетын гына лийын.
               Фото: МариМедиа.