Советский да Медведево районлаште сӧснан африкан чума чержым рашемдыме
Республикысе ветеринарий комитет увертара. Советский да Медведево районлаште сӧснан африкан чума чержым рашемдыме. Советский районысо Голубой посёлкышто посна сурт озан озанлыкыштыже куд тылзаш сӧсна игын да Медведево районысо Краснооктябрьский посёлкышто ныл сӧснан биологический материалыштым пробылан налме да лабораторийыш колтымо. Тергымаш африкан чума черым пеҥгыдымден ончыктен. Кызыт очагым пытарыме мероприятий- влак шукталтыт. Карантиным пуртымо нерген Республикым вуйлатышын Указшым ямдылыме.
Сӧснан африкан чума черже куснылшо вирусан чер. Тидын годым черланыше 100 процент сӧсна кола. Но еҥлан лӱдыкшым ок лук. Чер пижме деч рашеммешкыже кок-шым кече эрта. Вольыкын температурыжо 42 градус марте кӱза, йосын шӱла, кокыра, ок коч, йӱмыжӧ шуэш, укшинчеш, шеҥгел йолжо ок кошт, коваштыште тӱрлӧ вере йошкар-кандалге пале- влак лектыт. Икте гыч вич кече марте жапыште колен кертеш.
Черым шараш огыл манын, сӧсна вӱташ ӧрдыж еҥым, пийым, пырысым, сурткайыкым, моло вольыкым пурташ ок лий, сӧснам тӱжваке лукман огыл, вӱташ пурымаште дезковрикым ыштыман, пӧлемым эре дезинфицироватлен шогыман, коля ден комакым пытарыман, сӧснам ончымо годым посна вургемым, йолчиемым, ӱзгарым кучылтман, нуным эре дезинфицироватлыман. Чер шотышто кокытеланымаш лектын гын, вигак ветеринар службыш йыҥгыртыман.
Сӧснан африкан чума черже куснылшо вирусан чер. Тидын годым черланыше 100 процент сӧсна кола. Но еҥлан лӱдыкшым ок лук. Чер пижме деч рашеммешкыже кок-шым кече эрта. Вольыкын температурыжо 42 градус марте кӱза, йосын шӱла, кокыра, ок коч, йӱмыжӧ шуэш, укшинчеш, шеҥгел йолжо ок кошт, коваштыште тӱрлӧ вере йошкар-кандалге пале- влак лектыт. Икте гыч вич кече марте жапыште колен кертеш.
Черым шараш огыл манын, сӧсна вӱташ ӧрдыж еҥым, пийым, пырысым, сурткайыкым, моло вольыкым пурташ ок лий, сӧснам тӱжваке лукман огыл, вӱташ пурымаште дезковрикым ыштыман, пӧлемым эре дезинфицироватлен шогыман, коля ден комакым пытарыман, сӧснам ончымо годым посна вургемым, йолчиемым, ӱзгарым кучылтман, нуным эре дезинфицироватлыман. Чер шотышто кокытеланымаш лектын гын, вигак ветеринар службыш йыҥгыртыман.