QR- кодым кузе тергаш тӱҥалыт

                  Рашемын: тӱшкан кочмо верлаште QR- кодым кузе тергаш тӱҥалыт. Тиде системе республикыште 22-шо октябрь гыч шыҥдаралташ тӱҥалеш. Тӱшкан кочмо верлашке вакцинацийым эртыше- влакым гына пуртат. Исключенийлан йоча да 18 ияш марте самырык еҥ- влак шотлалтыт. Заведенийыш мийыше- влак деч пурымаште кюар кодым йодыт. Тудыжым кугыжаныш полыш порталыште личный кабинетыште  муаш лиеш. Прививкым ыштыктыме гын, тудо сайтыш автоматически толеш. Кагаз сертификатымат очныкташ лиеш.  Тыгак черланен лекме гын, медицина организаций гыч налме справке денат пуртат. Ковидлан тестым эртыме гын, отрицательный результат денат пуртат.
                  Фото: МариМедиа.