Татарстаныште марий йоча- влаклан калыкле шинчымашым пуаш тӱҥалыт

                     Татарстаныште марий йоча- влаклан калыкле шинчымашым пуаш тӱҥалыт. Татарстан республикысе марий- влакын калыкле тӱвыра автономийышт йоча- влакым марий тӱвыра дене палдарыме занятийым эртараш грантым сеҥен налын. – Увертара автномийым вуйлатышын алмаштышыже Людмила Мусихина. Грантын кугытшо 200 тӱжем теҥге. Йоча- влак дене сем, сылнын ойлымо, семӱзгар дене шоктымо, мурымаш дене мастер-классым эртараш, икманаш марий тӱвыра дене палдараш шонат. Проектым шыҥдараш марий калык семӱзгар- влакым налаш палемденыт. Татарстаныште 2010-шо ийысе перепись почеш 18 тӱжемат 848 марий ила. Нунын кокла гыч кум тӱжемат 698-ыже - Озаҥ олаште.
                     Фото: "Кидшер".