Марий Элым вуйлатышын стипендийжым налше- влаклан дипломым торжественно кучыктымо
Марий Элым вуйлатышын стипендийжым 2021-ше 2022-шо тунемме ийлаште налше- влаклан дипломым торжественно кучыктымо. Тиде церемоний финанс министерствын универсал залыштыже эртен. Республикым вуйлатышын стипендийже 50 процент деч шагал огыл визытан отметкым налше, тунемме да профессионал пашаште, шымлымаште, тӱрлӧ кӱкшытан олимпиаде ден конкурслаште сеҥымашыш шушо тунемше- влаклан пуалтеш. Аспирант- влакын открытийышт, шанче пашашт, шонен лукмышт, эксперимент пашаш ушнымышт шотыш налалтеш. Тиде тунемме ийыште стипендийым 59 еҥлан пуаш ыштыме. Нунын кокла гыч 28 еҥже профессионал тунемме тӧнежын студентше, 22-шо кӱшыл тунемме заведенийын студентше, 9 аспирант улыт. Стипендийын кугытшо кыдалаш профессионал шинчымашым налше- влаклан тӱжемат 600 теҥге, кӱшыл школын студентше- влаклан кок тӱжемат 400, аспирант- влаклан кум тӱжем теҥге.
