И.Комаров осал чер ваштареш кучедалме йодыш дене совещанийым эртарен

                     Александр Евстифеев Россий Президентын Юл кундем округышто полномочный представительже Игорь Комаровын эртарыме совещанийыште лийын. Тудо видеоконференцкыл йӧн дене эртен. Повесткын тӱҥ темыже- коронавирус инфекцийлан шарлаш чаракым ыштымаш да калык коклаште вакцинацийым эртарымаш. Кучедалмаште эн сай лектышлан вакцинацийым ыштымым палемдыме. 80 процент кӱкшытыштӧ тӱшка иммунитетым ыштыман, вакцинын кӱлешлыкше шотышто калык коклаште умылтарыме пашам вияҥдыман. Вакцине чыла регионыштат ситышын уло. Эмлыме верлаште санитар-эпидемиологий йодмашым пеҥгыдын шуктыман, ковид да моло черан- влакым посна приниматлыман, ондак пуртымо чарымашым да кызытсымат тӱрыс шуктыман, КюАр кодымат кучылтман. Марий Элыште черланымаш дене сӱрет начарештын. Пытартыш кок арняште черланыше шукемын,  койко фондым ешарыме, черланыше 25 ияш марте ийготан- влакат шукемыт. Тачысе кечылан 193 тӱжем утларак еҥ прививкым ыштыктен. Тидыже палемдымын пелыж деч шагалрак. Мучашлан Игорь Комаров регионлам вуйлатыше- влаклан обстановко вашталтмым эскерен шогаш, тӱҥ санитар врач- влакын решенийыштым тӱрыс шукташ темлен.