«Талукын инженерже» конкурс лиеш

                Марий Элысе промышленность, экономически вияҥмаш да торговля министерстве увертара: шанче да инженер мер ушем- влакын Российысе ушемышт идалык еда Россий кӱкшытан «Талукын инженерже» конкурсым эртара. Тудо элысе инженер кадрын качествыже, инженер пашаеҥ- влакын профессионализмышт да пашашт деке кумылаҥдаш, сай опыт да сеҥымаш дене палдараш виктаралтын. Конкурс кок корно дене эрта: «Профессионал инженер- влак» да «Самырык- влакын инженер мастарлыкышт». Сеҥышылан конкурсын лауреатше лӱм, шарнымашан медаль, сертификат да «Российын профессионал инженерже» ший знак пуалтеш. Конкурсыш материалым 15-ше ноябрь марте пуыман.
Фото: http://www.rusea.info/eoayrules