Пашам чаткан виктарен колтымылан кӧра йӱлен шогышо чодыра кумдык иземеш

                     Пашам чаткан виктарен колтымылан кӧра йӱлен шогышо чодыра кумдык иземеш. Тулым йӧртымӧ верыште эрдене да кастене Республикым вуйлатыше Александр Евстифеев оперативный штабын совещанийжым эртара. Тушто палемдыме: йӱлышӧ кумдык 54 гектар марте шагалемын. Уэш пижше вер да ял- влаклан лӱдыкшӧ уке. Вертолёт- влак кӱрылтде тыршат. Ик кечыште 405 тонн наре вӱдым шупшыктат. Тачат ныл вертолёт каваште. Бульдозер- влак ситышын улыт. Вӱдым конден шогат. Тӱжем наре вӱдан рюкзак уло. Республикым вуйлатыше пожарный да доброволец- влакым пукшымо йодышешат шогалын. Кугу техникын водительже- влаклан кукшо паёк пуалтеш. Нуно техникым кудалтен коден огыт керт. Моло- влаклан тыгаяк паёк пуалтеш да палемдыме жапыште шокшо кочкышым пукшат. «Простая еда» кафе сеть, Кочкышым ямдылыше комбинат да вӱдым ситарыше «Сестрица» ушем чолган ушненыт. Теҥгече 850 еҥлан кечывал кочкышым пукшеныт, кас кочкышымат ямдыленыт. Тулым йӧртымӧ ӱзгар ситыше манын тудо. МЧС-ын ончыктымыж почеш тул тӱжемат 341 гектарым йӱлалтен. Тужемат 287 гектарыштыже чарыме, ныл тӱҥ кумдыкышто паша умбакыже шуйна. Изиш йӱр йоген, но тудо полышым пуэн огыл, мардеж вашталт шоген, но вес верыште тул пижын огыл, - каласен МЧС виктемым вуйлатышын сомылыжым жаплан шуктышо Алексей Сабадырев.

Прошлые выпуски