Йошкар-Олаште южым эре терген шогат
Йошкар-Олаште южым эре терген шогат. Роспотребнадзор виктем 19-ше август гыч мониторингым эртара. Специалист- влак южышто химический веществан мыняр улмыжым Новотроицк посёлкышто, Сидорово ялыште, Йошкар-Олаште да Медведево посёлкышто висат. Мутлан, рушарнян эрдене Йошкар-Олан рӱдыштыжӧ, Водопроводный уремыште, Медведево посёлкышто гигиена норматив деч веществан шуко улмыжым палемдыме. 15 шагатлан тергыме годым чылажат нормыш толын. Кызыт мониторинг умбакыже шуйна.