Республикысе кум озанлыкыште тӱкан шолдыра вольыкын лейкоз чержылан кӧра карантиным увертарыме

                Республикысе кум озанлыкыште тӱкан шолдыра вольыкын лейкоз чержылан кӧра карантиным увертарыме. Морко районышто тыгай чарымашым пуртымо шотышто ветеринарий комитет приказым луктын. Лабораторий тергымаш почеш черле ушкал- влакым Ильинын, Рагимовын да Каменскаян кресаньык-фермер озанлыкыштышт рашемдыме. Кызыт тушто вирус ынже шаре манын мероприятий шукталтеш. Тений комитет план деч посна озанлыклаште 18 тергымашым эртарен. чылаштыжат ветеринарий шотышто законодательствым пудыртымашым пален налме. Титакан- влакым административно мут кучаш шогалтыме. 473 пробым лейкоз да бруцеллёзлан тергаш Татарийыш колтымо. 11 озанлык гыч налме 240 пробышто лейкозын вирусшылан антителам рашемдыме. Положительный результатан вольыкын озаштлан ушкал- влакым посна кучаш да ешарен тергымашым эртараш темлымашым пуымо.
Фото: https://www.marimedia.ru/