Волжскышто леведышан ийме бассейным чоҥат
Волжскышто леведышан ийме бассейным чоҥымо лиеш. Республикым вуйлатыше бассейным чоҥышаш площадкым ончен да футбол школ ден гребля дене школышто шуаралтше- влак дене мутланен. Тушто кок пачашан технический подвалан зданий лийшаш. Икымше пачашыште фойе, вурегмым вашталтыме вер, санитар зона, ийме вер да персоналын пӧлемже лийшаш улыт. Чоҥымо верын кумдыкшо 957 квадрат метр лийшаш. Чоҥашлан тӱҥалтышым Марий целлюлоз- кагаз комбинат ыштен. Марий Элым вуйлатыше палемден: бассейным чоҥымо нерген увер таза илыш йӱлам йӧратыше- влаклан поснак оҥай. Тудо самырык футболист- влаклан кӱкшӧ лектышым ончыктымыштлан тауштен ойлен. Целлюлоз- кагаз комбинатыште да Волжск олаште спорт йӱла пеш виян манын палемден. Лач тыгай ийгот гыч футболист- влакым кушташ кӱлеш манын. Мучашлан тудо футболист- влаклан мече ден сеткым, гребля дене школышто шуаралтше- влаклан спорт инвентарьым налаш сертификатым кучыктен да чылалан у тунемме ийыште сеҥымашым тыланен.