Мер пашаеҥ- влак тулеш погыжым йомарыше шуко шочшан ешлан полышым намиен пуэныт

                  Мер пашаеҥ- влак тулеш погыжым йомарыше шуко шочшан ешлан кочкышым, вургемым, быт техникым намиен пуэныт. Общероссийский калык фронтын чолга еҥже- влак чодыра дене пайдаланыше ушемын еҥышт да журналист- влак дене У Торъял гыч шуко шочшан Соловьёвмыт ешлан полшеныт. Пожар 6-шо январьыште лийын. Пошкудыштын пачерже йӱлаш тӱҥалын да пеш вашке вес пачерыш куснен. Изи йоча- влакым вӱдылын, документым, телевизор ден ноутбукым налын уремыш куржын лектын гына шуктеныт. Тыге у чапле пӧрт йӱлен каен, Тӱҥжӧ чыланат илыше кодынна, - ойла сурт озавате. Куд икшыван ешлан уэш тӱҥалаш куштылго лийын огыл. Родо-тукым, пошкудо- влак полышым пуэныт. Йӱлышо вереш уэш чоҥаш тӱҥалын огытыл. Страховой окса да ава  капитал дене посёлкышто кум пӧлеман пачерым налыныт. Кум тылзе ончыч илаш пуреныт. Но ыштышаш паша- шӱйдаҥыт. Кондымо пӧлек, мутат уке, кумылыштым нӧлталын. Кызыт йоча- влак школыш каяш ямдылалтыт.