Кремль уремым шушаш ийын олмыкташ ямдылалтыт
Йошкар-Оласе Кремль уремым шушаш ийын олмыкташлан электрон аукционым увертарыме. Кремль уремын Первомай урем ден Осипенко урем марте машина коштмо ужашыжым «Качестван лӱдыкшыдымӧ корно- влак» калыкле проектын «Корно сеть» регионысо проектше кышкарыште олмыктат. Тиде корно ужашын кужытшо 600 метрыш погына. Пашам шуктымо годым тошто асфальтшым, бордюр кӱым кораҥдат, у асфальтым шарат да бордюр кӱым вераҥдат, вынем- влакым пужен ыштат, газоным уэмдат да разметкым ыштат. Контрактын акше 14 миллион утла теҥге лиеш. Пашам шуаш ийын 15-ше апрельыште тӱҥалаш да 15-ше июльлан мучашлаш палемдыме.