Мэр Спортивный уремыште олмыктымо пашан кузе кайымыжым терген
Йошкар-Олан мэрже Евгений Маслов Спортивный уремыште олмыктымо пашан кузе кайымыжым терген. Марий Элым вуйлатыше Александр Евстифеевын кӱштымыж почеш «Коммунальник» сад товариществыш намийыше Спортивный уремыште олмыктымо паша кая. Подряд организаций 552 метр кужытышто кызыт тыгыде кӱм шарен, вара асфальтым пыштышаш улыт. Рӱдӧ олаште корно- влакым олмыктымо да чоҥымо дене пырля тӱшка кумдык- влак тӱзландаралтыт, арулыкым ышташ тыршат. Но Спортивный уремысе южо сурт оза- влак пӧрт воктенышт шӱк-куштырам оптат, ошмам чумырат, кермычым, шиным погат, кушшо шудым жапыштыже огыт соло. Но вет чылан палат: тӱшка вий дене гына. Олам сӧрастараш лиеш.