Курык марий районышто прививкым эн шагал ыштыме

                Коронавирус ваштареш прививкым Курык марий районышто эн шагал ыштыме. Республикыштына тӱшка иммунитетым ышташлан прививке кампаний умбакыже шуйна. 60 процент калыкым иммунизаций дене авалташлан 316 тӱжем утла еҥлан прививкым ыштыман. Тиде жаплан Марий Элыште 141 тӱжем еҥлан вакцинын икымше компонентшым шындыме. Тидыже планын 44 тичмашат 7 луаш процентше лиеш. Район- влакым ончалаш гын, эн шуко- 61 процент наре калыкым Юрино ден Оршанке районлаште авалтыме. Йошкар-Ола ден Козьмодемьянскыште 47 утла процентым, Волжскышто да Шернур районышто 46 утла процентым. Моло районыштыжо 38 гыч 45 процент марте калык ыштыктен. А теве  Волжский районышто 34 процент, Курык марий районышто улыжат 31 процент калык гына прививкыш миен. Республикыш чылаже 161 тӱжем утла дозо вакциным кондымо. Тушечын  87 процентшым кучылтмо.