Эрла Марий филармонийым почмо лӱмеш концерт эрта

                       Марий Элым вуйлатыше почмо деч ончыч Марий филармонийын у полатыштыже лийын. Тиде кечылаште Яков Эшпай лӱмеш Марий кугыжаныш филармонийын сценыштыже икымше концерт- влак эртат. Кызыт репетиций- влак каят. Усталык коллектив- влакын артистышт куанен усталыкыштым шуарат. Полатым 2014-ше ийыште чоҥаш тӱҥалме ыле. Но окса ситыдымлан кӧра чоҥымо пашам чарен шогалтыме. Александр Евстифеев чоҥымо пашам уэш тӱҥалаш йодышым Москошто ик гана веле огыл тарватен. Тудым «Тӱвыра» калыкле проект кышкарыште виктарен колтен кертме. Тыге объектын тичмаш акше 650 миллион теҥгеш шуын. У зданийым почмо деч ончыч тушто Марий Элым вуйлатыше Александр Евстифеев лийын. Тудо палемден: республикын филармонийже 80 ий айлыме верлаште пашам ыштен. Ынде  тиде мондалтеш да тӧнеж у шӱлышым налеш. Артист- влак тиде шукияш йодышым виктарен колтымылан республикым вуйлатышылан кугу таум калалсеныт. Кызыт тушто вич профессионал усталык коллектив пашам ышта.