Тенийсе корно пашам пелыжым шуктымо
«Качестван лӱдыкшыдымӧ корно- влак» калыкле проект почеш корно паша- влак пелышкыже, экваторыш шуыныт. Таче кечылан калыкле проектыш ушнышо кундемлаште асфальтым шарыме тӱшка кумдык 67 миллион квадрат метрым эртен. Тидыже тений ыштышаш тӱшка кумдыкын 50 утла процент лиеш. Белгород область ден Ингушетийыште корно пашам мучашлыме. Вашке Орёл да Курск область, Краснодар край, Пенза область, Крым да Марий Эл пытарышаш улыт. Тений чылаже вич тӱжемат 700 объектым норматив марте шуктыман. Тушечын 42-шо чоҥымо, 101-тыже пужен ыштышаш объект улыт. 334 участкым капитально олмыктат, ныл тӱжемат 600-жым олмыктат. Калыкле проектым шыҥдараш тений 555 миллиард утла теҥгем ойырат.