Красногорскийыште футбол площадке ямде лиеш
Красногорский посёлкышто футбол площадкым сентябрьыште чоҥен шукташ шонат. У спорт объектым почмашат тунамак лиеш. Искусственный шартышан футбол пасум чоҥымаш «Демографий» калыкле проектын «Спорт- илышын нормыжо» проектше кышкарыште шукталтеш. Пашам тений майыште тӱҥалме. Объектлан 20 миллион утла теҥгем ойырымо. Тиддеч посна район администраций ден илемын вийже да автофургон комбинатын полшымыж дене 500 тӱжем теҥгелан тулым пуртат. Эше стадионым тӱзландараш республикын правительствыже ешарен кок миллион теҥгем ойырен. Тыге паша 15-ше сентябрьлан мучашлалтшаш.