Игечылан кӧра лунчыргышо пӧрт- влакым олмыкташ оксам ойырымо

                  Республикым вуйлатыше игечылан кӧра лунчыргышо пӧрт- влакым олмыкташ оксам ойырен. Тале йӱр да таул мардежлан кӧра кодшо арнян эҥгекыш логалше пӧрт оза- влаклан окса полышым пуаш распоряженийым пеҥгыдемден. Тудо шкеак Морко районысо Рушродо ялыш миен. Муниципал образованийыште 11 пӧрт, административный зданий да икмыняр шуко пачеран пӧрт эҥгекыш логалын. Теве шуко шочшан ешын пӧртшӧ леведыш деч посна кодын. Сурт оза Михаил Кугергин вич йочашт дене айлыме пачерыште илат. Александр Евстифеев олмыктымо пашам шуйкалаш ок лий манын да район администрацийлан полшаш кӱштен. Арня мучаш марте леведышым вашталтыман манын. Республикым вуйлатыше кузе пашам шуктымо нерген Кугергиным лично увертараш йодын.