Смирновмыт еш «Талукын ешыже» конкурсышто сеҥышыш лектын

                  Йошкар-Ола гыч Смирновмыт еш «Талукын ешыже» Россий кӱкшытан конкурсышто сеҥышыш лектын. Тиде конкурс тений 6-шо гана эртаралтын. Тудым Российысе паша да социал аралтыш министерстве, неле илыш йыжыҥыш логалше йоча- влаклан полышым пуышо фонд ямдылат. Конкурсын оргкомитетышкыже тений 85 субъект гыч регионлаште сеҥыше еш- влаклан 366 представлений пурен. Сеҥыше- влакын перечньышкышт 85 еш пурталтын. Никита Александрович ден Наталья Николаевна Смирновмытын ешышт «Шуко шочшан еш» номинацийыште сеҥышыш лектын.
 Оласе депутат- влак погынымашын фотожо.