Утларак ямде улмо режимым 13-шо сентябрь марте шуйымо
Республикыштына утларак ямде улмо режимым 13-шо сентябрь марте шуйымо. Таче Правительство пӧртыштӧ ковид ваштареш кучедалме шотышто оперативный штабын черетан заседанийже лийын. Тушто режимым умбакыже шуйымо нерген кутырен келшыме. Тыгай мерым куштылго огыл эпидемиологий ситуацийлан кӧра ыштыме. Уэмдыме Указыште мо вашталтын да можо тудак кодын? Режимым шуйымо дене пырля тӱшка, ончымо, каныме, ончер, шинчымашым шарыме, реклама да моло тӱшка мероприятий- влакым эртараш чаралтеш. Калык тыгак маске дене коштшаш, антисептик дене пайдаланышаш, социал дистанцийым эскерышаш. Ынде чыла ужалкалыме ден ужалкалыме да каныме рӱдерлаште посна пурымо да лекме вер уло гын веле кафе пашам ыштен кертеш. Тиде чарымаш калыкым пуртыде сатум ужалыме, кочкыш сатум пелен налын кайыме, заказым намиен пуымо да быт полышым пуымо пашам ок тӱкӧ.