Йоча- влакын тазалыкыштым пеҥгыдемдыме кампаний умбакыже шуйна

             Марий Элыште кеҥежымсе тазалыкым пеҥгыдемдыме кампаний умбакыже шуйна. Кумшо сменыште ола деч ӧрдыжсӧ 14 лагерь да ик йоча санаторий пашам ыштат. Тушто тӱжемат 900 йоча кана. Кокымшо сменыште тынарак каныме верлаште кок тӱжемат 200 йоча тазалыкшым пеҥгыдемден. Чыла верыштыжат санитар-эпидемиологий йодмаш тӱрыс шукталтеш. Сайын пукшат, кочкышын калорийностьшо кеҥеж каныш жапыште ешаралтеш. Кандаш каныме тӧнежыште йӱштылаш вер уло, кокытышто бассейным кучылтыт. Лагерь- влакын пашаштым кече еда терген шогат.

Прошлые выпуски