Марий Элыште 422 организаций чоҥымо пашам шукта

                    Чоҥышын кечыжым мемнан элыште профессионал пайрем семын ик эн шуко еҥ палемда. Нуно сылне ола ден ялым чоҥат, мотор архитектуро сооружений- влакым, кызытсе жаплан келшыше инфраструктурым, йӧнан, чапле пачер дене пӧрт- влакым нӧлтат. Республикыште чоҥымо паша экономикын чолган вияҥше ужашыжлан шотлалтеш. Тений идалык тӱҥалтышлан Марий Элыште 422 организаций чоҥымо пашам шуктен. Тушто ныл тӱжемат нылшӱдӧ еҥ тыршен але чыла организацийысе пашаеҥын кок процентат пелыже. Пытартыш ийлаште «Чоҥымаш» аланыште сай вашталтыш палдырна. Мутлан, 2019-ше ийыште 18-ше дене таҥастарымаште чоҥымо паша 19 процентлан ешаралтын. 2020-шо ийыште 19-ше дене таҥастарымаште 19, 7 процентлан шукырак лйиын. Тенийсе пелийыште кодшо ийысе тыгаяк жап деч ныл наре процентлан шукырак чоҥымо. Чоҥышо- влак калыкле проект- влакым илышыш шыҥдарымаште чолган тыршат. Газ пучым чоҥымаште, школ ден йоча садым, илыме верым чоҥымаште чолгалыкым ончыктат.