Республикым вуйлатыше пӱртӱсын вийже дечын эҥгекыш логалше- влаклан полышым пуаш кӱштен

              Республикым вуйлатыше пӱртӱсын вийже дечын эҥгекыш логалше районлаште илыше- влаклан полышым пуаш кӱштен. Александр Евстифеев финанс министерствым вуйлатыше- влаклан кӱдырчан йӱр да таул мардежлан кӧра лунчыргышо илыме пӧрт- влакын озаштлан окса полышым пуаш распоряженийым ямдылаш кӱштен. Правительстве Председательын алмаштышыже Степан Воронцов увертарен: кодшо арня мучашыште толшо таул мардежын рӱдышкыжӧ У Торъял районысо Токтарсола ял илемыш пурышо ял- влак да Морко районысо Рушродо ял логалыныт. Нунын пӧрт леведышышт, озанлык оралтышт пудырген. Республике мучко тул деч посна 126 ял кодын ыле. Электроснабженийым вашке тӧрлен, тулым пуымо. Тиде пашам Правительство терген шоген. Муниципал образованийлан комиссийышт илыме вер да коммунал озанлык министерствын еҥышт дене пырля озанлык- влакын эҥгек кугытыштым акленыт. Район вуйлатыше- влак мыняр кӱлеш лийшаш окса кугытым рашемдат.  Республикым вуйлатыше кече мучаш марте эҥгекын кугытшо шотышто раш уверым ямдылаш кӱштен. Молан манаш гын, изирак эҥгекшым район бюджет пӧртылта, кугурак эҥгек шотышто районлан полшаш документым ямдылыман,- каласен Александр Евстифеев.