Рвезе- влак Москош путёвкым сеҥен налыныт

                    Турнирын республикысе йыжыҥжын лектышыже почеш рвезе- влак Москош путёвкым сеҥен налыныт. Йошкар-Олаште «Марий Эл Арена» куштылго атлетике манежыште «Шокшо кеҥеж» проект кышкарыште кудывечысе йоча футболын «Куд гана кудыт» Россий кӱкшытан фестивальыштын регионысо йыжыҥже эртен. Муниципал йыжыҥлаште сеҥышыш лекше 13-14 ияш рвезе- влак рӱдӧ олашке таҥасаш толыныт. Сеҥышыш лекшаш верч 9 команде таҥасен. Матч- влакын лектышышт почеш сеҥышыш Красногорский посёлко гыч «Восход» команде  лектын. Москошко тыгак Советский район гыч ӱдыр- влакын командышт кая. Турнирыште кокымшо верым Волжск ола гыч «Машинка», кумшым Волжск гычак «Жемчужины» налыныт. Тений «Шокшо кеҥеж» проектыш «Куд гана кудыт» футбол дене пырля «Кум гана кумыт»  баскетболымат пуртымо. Тиде турнир физкультурник кечын «Дружба» стадионышто 14-ше августышто эрта. Таҥасымашке баскетболым йӧратыше 20 гыч 60 ияш марте участник- влак ушнат. Сеҥыше- влак тыгак Российысе финалыште 7-14-ше октябрьыште Москошто модаш тӱҥалыт.
                   Фотом тун партийын сайтше гыч налме.

Прошлые выпуски