Козьмодемьянск олаште «Юбилейный» стадионым чоҥымаште нарушений- влакым рашемдыме

                Козьмодемьянск олаште «Юбилейный» стадионым чоҥымаште нарушений- влакым рашемдыме. Чоҥымо кокымшо йыжыҥыште ситыдымашым подрядчик колтен. Тиддеч посна объектым жапыштыже сдатлыме огыл. 2020-шо ий гыч оласе стадионышто пужен ыштыме паша шукталтеш. Подрядчик семын Москосо «Энерготехмонтаж- Холдинг» фирма  ыштен. Кодшо ийын тушто пушеҥгым кораҥдыме, мландым тӧрымӧ, резине шартышан куржталме корным ыштыме, понар меҥге- влакым вераҥдыме да тулым пуртымо системым ыштыме. Контракт почеш пашан кокымшо йыжыҥже кодшо ийын августыштак мучашлалтшаш ыле. Но подрядчик жапыштыже шуктен огыл. Пашан качествыжым тергымеке, технологий нарушений- влакым рашемдыме. Тудыжо проектно- сметный документацийым тӧрлаш йодеш. Прокуратура дене пырля тергымашым эртарымеке Моско фирмылан штрафым возен пуымо, а вара контарктым кӱрлмӧ. Тений у подряд организацийым палемдыме да тудо пашам умбакыже шуен. Кызыт стадионыш сай рокым кондымо, шудым ӱдымӧ. Ынде куржталме корнышто резине шартышым тӧрлаш тӱҥалыт. Чоҥымо кумшо черетым вес ийын тӱҥалшаш улыт. Тунам парковко, городок да волейбол дене модмо площадке, административно-быт зданий, трибуна, савар лийшаш улыт.
Фото:  marimedia.ru

Прошлые выпуски