Самырык футболист- влак тӱнямбал кубкын призшым сеҥен налыныт

                Йошкар-Ола гыч самырык футболист- влак «Ола- влакын кучедалмашышт» тӱнямбал кубкын призшым сеҥен налыныт. Москосо «Спартак» футбол клубын ветеранже- влак Ринат Дасаев, Сергей Родионов да Валерий Шмаров Йошкар-Оласе «Спартак Юниор»-ын самырык футболистше- влаклан наградым кучыктеныт. Мемнан командын 2010-шо ийыште шочшо рвезыже- влак тӱнямбал кубкышто кокымшо верым сеҥен налыныт. Элысе чыла кундем гыч 300 командын таҥасыме турнир Москошто июль мучаш гыч 3-шо август марте эртен. Тренер Александр Яковлевын шуарыме рвезыже- влак чыла матчыште сеҥышыш лектыныт, лач финалыште гына модын колтеныт. Йошкар-Ола гыч эше ик «Спартак Юниор» команде, тушто 2013-шо ийыште шочшо- влак улыт, нылымше верым налын. Нуным Виктор Носов туныкта.